چینی بزنس ٹو بزنس انٹرنیٹ پلیٹ فارم نے پاکستان میں سرمایہ کاری اور ایپ متعارف کروانے کا اعلان کردیا۔

چینی کمپنی گلوبل بلڈنگ مٹیریل جی بی ایم نے پاکستان میں 50 ملین امریکی ڈالر کی سرمایہ کاری کا ‏اعلان کیا ہے۔ جنرل منیجر جی بی ایم ڈیوڈ اوئی کے مطابق گروپ رواں ماہ لاہور میں پہلی برانچ کھولےگا اور‏گلوبل بلڈنگ مٹیریل گروپ ایک موبائل ایپ متعارف کرائےگا۔ ڈیوڈ اوئی نے کہا کہ جی بی ایم ڈور ٹو ڈور بلڈنگ ‏مٹیریل پلیٹ فارم ہے گروپ کا کام تعمیراتی مواد بنانے والی کمپنی اور کسٹمرز کو آپس میں جوڑنا ‏ہے۔ ان کا کہنا تھا کہ کراچی میں ایک ڈیجیٹل پورٹ زون قائم کیا جائے گا جس میں ایک ویئر ہاؤس، ‏ڈیجیٹل، ڈیٹا اور لاجسٹکس سینٹرز شامل ہوں گے۔