پاکستان دنیا میں آبادی کے لحاظ سے پانچواں بڑا ملک ہے۔یہی وجہ ہے تقریبا’ 220 ملین آبادی کے اس ملک میں تعمیرات کی ضرورت بھی وقت کے ساتھ ساتھ بڑھتی جا رہی ہیں اور دنیا بھر کی طرح اب پاکستان میں بھی ورٹیکل( عمودی)تعمیرات کوہوریزونٹل (افقی) تعمیرات پر زور دیا جا رہا ہے، اس بات میں کوئی شک نہیں کہ ہمارے ملک میں ابھی بھی لوگ اپارٹمنٹس یا فلیٹ میں رہنے کی بجائے زمین خرید کر اپنا گھر بنانے کو زیادہ ترجیح دیتے ہیں لیکن گھر یا عمارت بنانا ایک چیلنجنگ کام ہے جسے بنانے کے لیے کئی مراحل سے گزرنا پڑتا ہے۔ ان مراحل میں زمین کا مشاہدہ، کھدائی، فریمنگ، انسولیشن اورفلورنگ وغیرہ شامل ہیں۔ تاہم اگر آپ کوئی بھی گھر یا عمارت تعمیر کروانا چاہتے ہیں تو آپکو ان سب کے ساتھ ساتھ بہت ہی دیگر چیزوں کو بھی مدنظر رکھنا پڑے گا۔ سائٹ کی تیاری میں ویسے کئی مراحل شامل ہوتے ہیں۔ زمین کی تشخیص سے لے کرمسمار کرنے اور پھر کھدائی تک آپ کو نہایت ہی پیشہ روانہ مہارت کی ضرورت پڑتی ہے جس کے بعد ہی مستقبل کی ایک مضبوط اور پائیدار عمارت کی بنیاد رکھی جا سکتی ہے۔ چلیئے دیکھتے ہیں کہ سائٹ کی تیار کے لیے کیا کیا مدنظر رکھنا ضروری ہے۔
ا۔ سائٹ کا مشاہدہ
گھر یا عمارت بنانے سے پہلے زمین کا جائزہ ضرور لیجیئے۔ کسی بھی جگہ زمین خریدنے سے پہلے یہ ضرور دیکھ لیں کہ وہ کنسٹرکشن کے لیے مناسب اور آپکی ضرورت کے مطابق ہواور دھوپ اور ہوا کا گزر بھی ہو۔زمین کی ڈھلان کے ساتھ ساتھ زمین کا رقبہ مدنظر رکھیں ۔ اسکے علاوہ اس بات کو یقینی بنائیں کہ عمارت آپکے پراجیکٹ کے لیے موزوں مقام پر بن رہی ہے۔
ب۔ زمین کی جانچ پڑتال
عمارت بنانے سے پہلے زمین کی ساخت، خواص اور حالت کی جانچ پڑتال کے لیے جیو ٹیکنیکل تحقیقات کی جاتی ہیں۔ اسی مرحلے میں ہی زمین کے اندر پانی کی سطح کی جانچ بھی کی جاتی ہے۔ یہاں یہ مرحلہ اس لیے بھی ضروری ہے کہ پتہ لگایا جا سکے کہ آیا یہ مٹی عمارت کا وزن بردست کرنے کے قابل ہے بھی یا نہیں۔ اگر زمین ناقص ہو تو مصالحے کو نارمل سے زیادہ مضبوط رکھا جاتا ہے تا کہ بنیادیں وقت کے ساتھ کمزور نہ پڑجائیں۔
ج۔ پرانی کنسٹرکشن کی مسماریت
اگر آپکی کنسٹرکشن سائٹ پے پہلے سے کوئی عمارت یا اس کا ڈھانچہ موجود ہے تو اسے نئی تعمیر سے پہلے مسمار کیا جائے گا۔ لیکن اگراس جگہ پوری عمارت کو مسمار کرنے کی ضرورت نہ ہو اور کچھ حصہ ہی مرمت یا تعمیر کروانا ہو تو مسماریت کے دوران اس بات کا خاص خیال رکھنا چاہیے کہ جس حصے کو بچانا ہے اس کی ساخت اور ڈھانچے کو کوئی نقصان نہ پہنچے۔
د۔ لوکیشن سروے
اس مرحلے میں آپ عمارت کی لوکیشن کا سروے کریں گے تاکہ تعمیر کے کام کے آغاز کے لیے جگہ کے تعین کیا جا سکے۔ انجینئرنگ سروے اس بات کو یقینی بناتا ہے کہ ڈھانچہ مناسب جگہ اور نقشہ کے مطابق بنایا جا رہا ہے۔ اس کے علاوہ اس سروے میں یہ بھی دیکھا جاتا ہے کہ نکاسی آب اور دیگر چیزوں کے لیے کون کون سی جگہ مناسب ہے۔
ہ۔ سائٹ کی صفائی
اب آپ عمارت کی باقاعدہ تعمیر سے بس ایک ہی قدم دور ہیں۔ پرانی عمارت کی مسماریت کے بعد وہاں موجود مٹیریل اور پرانا سریا وغیرہ صاف کیا جاتا ہے اور سائٹ کلیئر ہونے کے بعد کھدائی شروع کی جاتی ہےبعد شروع ہی زمین کی کھدائی اور بنیادوں کی بھرائی کے کام کا آغاز ہو پائے گا۔
و۔ کھدائی
کھدائی کے دو اقسام ہیں۔ پہلی قسم کو بلک کھدائی کہتے ہیں جس میں سائٹ پربنیادوں کی بھرائی کے لیے زمین کی سطح کو صاف کیا جاتا ہے۔ دوسری قسم کی کھدائی کو تفصیلی یا فوٹنگ کھدائی کہا جاتا ہے جس میں زمین کودرختوں کی جڑوں وغیرہ سے پاک کیا جاتا ہے۔ اگر زمین میں ڈھلوان موجود ہے تو ایسے میں زمین پر مصنوعی پلیٹ فارم بنانے کی ضرور پڑ سکتی ہے۔
ز۔ ٹرمائٹ رسک مینجمنٹ
عمارت میں استعمال ہونے والے ٹمبر یا لکڑی کی اشیاء کو سب سے زیادہ دیمک سے لاحق ہوتا ہے جس سے بچاو کے لیے کنسٹرکشن سائٹپر کھدائی کے دوران اینٹی ٹرمائٹ اسپرے کیا جاتا ہے۔ دیمک دیوار کی سوراخوں ، کنکریٹ کی سلوں میں دراڑوں یا پھر فرش میں خالی جگہوں سے گھر میں داخل ہوسکتی ہے، جس سے بچاو کنسٹرکشن کے وقت اینٹی ٹرمائٹ سپرے سے ممکن ہوسکتا ہے۔
ان مندرجہ بالا مراحل سے گزر کر ہی آپ ایک بہترین عمارت بنا سکتے ہیں ۔اگر آپ زمین کا تفصیلی جائزہ نہیں لیتے اور ماہرین کی رائے کے بنا ہی وہاں کھدائی کے بعد عمارت کی تعمیر کروا دیتے ہیں تو اس کے آپکو دیرینہ نقصانات بھگتنا پڑسکتے ہیں۔ یہاں یہ بھی ضروری ہے کہ عمارتی نقشہ کسی ماہر نقشہ ساز سے بنوایا جائے تاکہ ہوا کی آمد و رفت، پانی کی نکاسی ، دھوپ اور دیگر ضروری عوامل کو مد نظر رکھتے ہوئے تمام کام سر انجام پاسکیں۔ عمارت کی تعمیر کے حوالے سے اس معلوماتی سلسلے کی اگلی کڑی میں ہم آپ کو بنیادوں کی بھرائی اور فریمنگ کے حوالے سے بتائیں گے۔
