راولپنڈی ڈویلپمنٹ اتھارٹی نے شہریوں کو جعلی اور غیر قانونی ہاوسنگ سکیموں میں سرمایہ کاری کرنے سے خبردار کر دیا۔ آر ڈی اے ترجمان کے مطابق محکمے کی جانب سے متعلقہ حکام کو غیر قانونی ہاؤسنگ سکیموں کے خلاف سخت کارروائی کرنے اور متاثرہ شہریوں کو ریلیف فراہم کرنے کے لیے ہر ممکن اقدامات کرنے کی ہدایات جاری کی گئی ہیں۔ محکمہ کی فہرست کے مطابق ضلع راولپنڈی میں 300 سے زائد جعلی اور غیر قانونی ہاؤسنگ سوسائٹیاں موجود ہیں۔ آر ڈی اے نے پاکستان الیکٹرانک میڈیا ریگولیٹری اتھارٹی سے بھی درخواست کی ہے کہ وہ نجی ٹی وی چینلز کو غیر قانونی ہاؤسنگ سوسائٹیوں کے اشتہارات نشر کرنے سے روکنے کے اقدامات کرے۔
مزید خبروں اور اپ ڈیٹس کے لیے وزٹ کریں ریئالٹرز بلاگ
