قومی اقتصادی کونسل کی ایگزیکٹیو کمیٹی نے 24.94 ارب مالیت کا لئی ایکسپریس وے، فلڈ چینل منصوبے کی زمین کی خریداری کی منظوری دی گئی۔ منصوبے کے تحت 750 کنال اراضی رائٹ آف وے کے لیے خریدی جائے گی۔ ایکنک نے راولپنڈی رنگ روڈ آر 3 کیرج وے منصوبے کی بھی منظوری دی۔ 6 لین کا 38.3 کلومیٹر طویل منصوبہ 23.60 ارب روپے کی لاگت سے تعمیر کیا جائے گا۔ ایکنک نے 191 ارب 47 کروڑ کی لاگت سے حیدرآباد تا سکھر موٹر وے کی تعمیر کی منظوری دی، چھ لین کی 306 کلومیٹر طویل موٹر وے کا منصوبہ بلٹ آپریٹ ٹرانسفر بنیادوں پر تعمیر ہوگا۔ اجلاس میں جنوبی پنجاب تخفیف غربت کے لیے 25.24 ارب روپے کی رقم مختص کی گئی جس سے 10 اضلاع میں تخفیف غربت کی کوششیں کی جائیں گی۔
مزید خبروں اور اپ ڈیٹس کے لیے وزٹ کریں ریئالٹرز بلاگ
